Qalalyq polısıa departamentiniń bastyǵy Arystanǵanı Zapparov B.Atyhanuly atyndaǵy №36 mektep-gımnazıasynyń oqýshylaryn Bilim kúnimen quttyqtady, dep habarlaıdy Almaty-akshamy.kz Polisia.kz-ke silteme jasap.
«Birinshi qyrkúıek – kúzdiń eń meıirimdi jáne eń jarqyn merekeleriniń biri. Birinshi synyp oqýshylary úshin bul ómirdegi jańa kezeńniń bastalýy, bilim men jetistikter jolyndaǵy alǵashqy qadamdar. Olar úshin búgin alǵashqy qońyraýmen birge qyzyqty jańalyqtar men jarqyn áserlerge toly jańa, úlken álemniń esikteri aıqara ashylady. Joǵary synyp oqýshylary úshin bul jańa bıik maqsattar qoıyp, olarǵa qol jetkizý múmkindigi», – dedi Arystanǵanı Zapparov.
Almaty polısıasynyń basshysy birinshi synyp oqýshylary úshin qaýipsizdik boıynsha alǵashqy sabaq ótkizdi.
«Balalar – bizdiń bolashaǵymyz, sondyqtan olardyń ómiri men densaýlyǵyna eshteńe qaýip tóndirmeýi óte mańyzdy. Polıseıler turaqty negizde muǵalimdermen kezdesýler ótkizedi, onda mektep oqýshylarynyń oqý prosesi kezindegi qaýipsizdik máselelerin birlesip sheshedi. Mundaı tyǵyz jáne jaqsy úılestirilgen ózara is-qımyl, bizdiń oıymyzsha, balalardyń jol-kólik jaraqatyn azaıtýǵa jáne mektepterdegi balalardyń qaýipsizdigin qamtamasyz etýge óte tıimdi», – dedi Arystanǵanı Zapparov.
Sonymen qatar Almaty qalalyq PD-nyń basshysy balany jastaıynan ómirge jetelep, onyń tulǵasyn qalyptastyryp, áleýetin ashyp, mańyzdy bilimderin shákirtterine berip, sondaı-aq, olardy Otandy súıýge, jaýapkershilik pen eńbekqorlyqqa tárbıeleıtin ustazdarǵa alǵysyn bildirdi.