Almatyda avtosalondarǵa tutynýshylar quqyqtaryn buzǵany úshin aıyppul salyndy
Almaly aýdanynyń prokýratýrasy avtosalondardyń qyzmetine taldaý júrgizip, zań buzýshylyqtardy anyqtady, dep habarlaıdy aqshamnews.kz.
Qalalyq prokýratýra málimetterine saı, keıbir avtosalondar kólik satyp alýshylarǵa dabyl júıesi, áınekti qarańǵylaý, tósenishter sekildi qosymsha qyzmetterdi májbúrli túrde qosyp, artyq tólem jasaýǵa ıtermelegen.
Osyǵan baılanysty «Toyota Tsusho Kazakhstan Auto» JSHS-na 88 mln teńgeden astam aıyppul salyndy. Qazirgi ýaqytta bul soma tolyq kólemde tólendi.
Qazaqstan zańnamasyna sáıkes, avtosalondar qosymsha qyzmetterdi tutynýshynyń kelisiminsiz májbúrleı almaıdy. Eger siz osyndaı jaǵdaıǵa tap bolsańyz, prokýratýra nemese basqa ýákiletti organdarǵa shaǵymdana alasyz.