2024 jyly Áýezov aýdanynda áleýmettik-ekonomıkalyq damýdyń oń dınamıkasy baıqaldy, dep habarlady qala ákimi Erbolat Dosaev aýdan turǵyndarymen kezdesýde, dep habarlaıdy aqshamnews.kz
Qysqa merzimdi ekonomıkalyq ındıkator bólshek jáne kóterme saýda kóleminiń, sondaı-aq qurylys salasynyń ósýi esebinen 9,7%-ǵa artty.
Aýdannyń damýyna 2023 jylmen salystyrǵanda 15% ósimmen negizgi kapıtalǵa 119,9 mlrd teńge ınvestısıa tartyldy.
Ekonomıkanyń negizgi draıverleriniń biri shaǵyn jáne orta bıznes bolyp qala beredi. Jumys istep turǵan SHOB sýbektileriniń sany 8,6% - ǵa ósip, 60 myńǵa jetti, Bul 7,7 myńnan astam jańa turaqty jumys ornyn ashýǵa yqpal etti. 2024 jyly salyqtar men tólemder 36,2% ósimmen 296,9 mlrd teńge tústi.
Erbolat Dosaev atap ótkendeı, qala ákimdigi Áýezov aýdanynyń damýyna erekshe kóńil bóledi, sonyń arqasynda aýdan búdjeti 2024 jyly 65% - ǵa jáne 2025 jyly taǵy 25% - ǵa ulǵaıyp, 53,7 mlrd teńgege jetti.
«Búginde qala jáne aýdan ákimdikteri jumysynyń negizgi baǵyttary ınjenerlik jáne áleýmettik ınfraqurylymdy jańǵyrtý, aýdandy sapaly abattandyrý jáne turǵyndarymyzdyń ómir súrý sapasyn arttyrý bolyp tabylady», - dep túıindedi sózin Almaty ákimi.