Almatyda jyl basynan beri ekologıalyq normalardy buzý boıynsha 7700-den astam derek anyqtaldy.
Sonymen qatar Almatyda 19 jańa úlgidegi stasıonarlyq tabıǵatty qorǵaý beketi jumysyn jalǵastyrýda, dep habarlaıdy aqshamnews.kz Polisia.kz-ke silteme jasap.
Bul beketterde patrúldik polısıa polkiniń ınspektorlary men ekologtar arnaıy qurylǵylar arqyly kólikterden shyqqan tútin deńgeıin baqylaıdy. Stasıonarlyq beketterden bólek, ótken jyldan bastap qalada naqty ýaqyt rejıminde kólikterdiń shyǵaryndylaryn baqylaıtyn jyljymaly ekopatrýlder jumys isteıdi. Bul patrúlder tek beketterde ǵana emes, kólik aǵynynda da tártip buzýshylardy anyqtap, jedel sharalar qabyldaýǵa múmkindik beredi.
- Ekopatrýlderdiń jumysy qaladaǵy ekologıalyq jaǵdaıdy jaqsartý jolyndaǵy mańyzdy qadam bolyp tabylady. Biz aýanyń lastanýyn azaıtý maqsatynda shyǵaryndylardy baqylaýdy kúsheıttik. Bizdiń mindetimiz – zań buzýshylyqtardy anyqtaý ǵana emes, sondaı-aq júrgizýshilerde qala ekologıasyna jaýapkershilikpen qaraýdy qalyptastyrý, – dedi Almaty qalalyq PD jergilikti polısıa qyzmeti basqarmasynyń bastyǵy Serik Shýmaev.
Shýmaevtyń aıtýynsha, jyl basynan beri tabıǵatty qorǵaý beketteri men ekologıalyq patrúlderde 7 704 zań buzýshylyq anyqtaldy. Sonymen qatar 2025 jyldyń 13 naýryzyndaǵy jaǵdaı boıynsha zańnamaǵa ózgerister engizilgenin atap ótti: endi zıandy shyǵaryndylar normalaryn buzý eskertýmen shektelmeıdi, oǵan 10 AEK kóleminde aıyppul qarastyrylǵan.