52 km kabel jelileri, 487 jaryqtandyrý tirekteri jáne 2,5 myńnan astam shamdardy aýystyrý: Almatynyń Áýezov aýdanynda jaryqtandyrý sapasy qalaı jaqsarady
2025 jyly Áýezov aýdanynyń kóshelerinde 52 km kabel jelilerin qalpyna keltirý, 487 jaryqtandyrý tirekterin ornatý, 2500-den astam shamdardy aýystyrý josparlanýda. Bul týraly Áýezov aýdanynyń turǵyndarymen kezdesý barysynda Almaty ákimi Erbolat Dosaev málimdedi.
- Onyń aıtýynsha, 2025 jyldyń qyrkúıegine deıin ótken jyly jaryqsyz qalǵan 81 ýchaskeni jaryqtandyrý josparlanýda. Búgingi tańda JSQ qorytyndysy alyndy, jumystar 2025 jyldyń sáýir aıynda bastalady.
- Sondaı-aq, aǵymdaǵy jyly 36,3 km elektr jelilerin qaıta jańartý jáne 49 transformatorlyq qosalqy stansıalardy jóndeý josparlanýda.
Aıta keteıik, 2024 jyly syrtqy jaryqtandyrýdy jaqsartý úshin 42,3 km kabel jelileri qalpyna keltirilip, 152 jańa jaryqtandyrý tirekteri ornatylyp, 3 800-den astam shamdar aýystyryldy.
Halyqty turaqty elektrmen jabdyqtaýmen qamtamasyz etý úshin ótken jyly «AJK» AQ 23 km elektr jelilerin rekonstrýksıalaý aıaqtaldy, 29 transformatorlyq qosalqy stansıa jáne 5 taratý stansıasy jóndeldi.
Esterińizge sala keteıik, Almatyda Memleket basshysynyń qalany 100% jaryqtandyrý týraly tapsyrmasyn oryndaý úshin elektr jelileri men syrtqy jaryqtandyrýdy jańǵyrtýdyń aýqymdy baǵdarlamasyn iske asyrý jalǵasýda. 2024 jyly kósheni jaryqtandyrý úlesi 85% - ǵa jetti, al aǵymdaǵy jyly onyń deńgeıi 100% -dy quraıdy.