Dekoratıvti jaryqtandyrý jáne qasbetterdi jóndeý: bıyl Almatynyń Áýezov aýdanynda ne isteledi
Áýezov aýdanynyń turǵyndarymen kezdesý barysynda Almaty ákimi Erbolat Dosaev aýdannyń turǵyn úı-kommýnaldyq ınfraqurylymyn jańǵyrtý jáne jaqsartý boıynsha qabyldanyp jatqan sharalar týraly aıtty, dep habarlaıdy aqshamnews.kz
Ákimniń aıtýynsha, 2024 jyly 36 turǵyn úıdiń qasbetine dekoratıvti jaryqtandyrý ornatylyp, 28 úıdiń qasbeti aǵymdaǵy jóndeýden ótti. 2025 jyly 42 úıdiń qasbetine dekoratıvti jaryqtandyrý ornatylyp, 12 úıdiń qasbeti aǵymdaǵy jóndeýden ótedi dep josparlanǵan.
«Turǵyndardyń qaýipsizdigi men jaıly ómir súrý sharttaryn qamtamasyz etý úshin 2024 jyly 39 kópqabatty turǵyn úıge kúrdeli jóndeý júrgizilip, 20 kópqabatty úıde 30 jedelsaty aýystyryldy. 2025 jyly 45 kópqabatty turǵyn úıge kúrdeli jóndeý júrgizilip, 32 kópqabatty úıde 34 jedelsaty aýystyrý josparlanýda», – dedi Almaty ákimi.
Aıta keteıik, Erbolat Dosaevtyń tapsyrmasymen 2022-2024 jyldar aralyǵynda qalada 355 úıdiń qasbeti jóndelgen bolatyn. Jalpy, 2025-2026 jyldary taǵy 296 qasbetine jóndeý josparlanǵan. Bul sharalar qala kórkin jaqsartýǵa baǵyttalǵan.