Almaty ákimi Baqytjan Saǵyntaev jumys sapary kezinde Áýezov aýdanyndaǵy "Altyn besik" shaǵynaýdanyna bardy. Mundaǵy qaraýsyz qalǵan alańqaılarda oıyn jáne sport alańdary jabdyqtalyp, abattandyrý jáne kógaldandyrý jumystary júrgizildi, dep habarlaıdy Almaty-akshamy.kz
Baqytjan Saǵyntaev "Altyn besik" shaǵynaýdanynyń Trýdovaıa kóshesindegi qoǵamdyq keńistiktiń abattandyrylýymen jáne jasalýymen tanysty. Buryndary aýmaǵy 9 myń sharshy metr bolatyn alań qaraýsyz qalǵan edi. Almaty ákiminiń tapsyrmasy boıynsha alań tazartyldy, trenajerleri, tenıs ústelderi, vorkaýt-aımaǵy bar sport alańy uıymdastyryldy. Sondaı-aq, fýtbol jáne basketbol, skeıt alańdary, balalardyń oıyn aımaǵy qarastyrylǵan. Jaryqtandyrylyp, beınebaqylaý ornatylǵan.
Eske salsaq, budan buryn osy shaǵynaýdanynyń Ánet baba kóshesinde abattandyrylǵan keńistik ashylyp, onda jataqhana salý josparlanǵan bolatyn. Qala ákimi Baqytjan Saǵyntaev aýdan turǵyndarynyń ótinishterinen keıin sheshim qabyldady.
Qazir munda fýtbol jáne basketbol alańdary, júgirý joldary bar sport alańy, balalarǵa arnalǵan oıyn alańy, vorkaýt-aımaq jáne skeıt-alań salyndy. Aýmaq abattandyrylyp, jaryqtandyryldy, ýrnalar men oryndyqtar qoıyldy, butalar men aǵashtar otyrǵyzyldy. Jaqyn jerge 120 oryndyq balabaqsha salynady. Ýchaskeniń bir bóligi saıabaq aýmaǵy retinde abattandyrylyp, kishi sáýlet pishinderi qoıylyp, gúlzarlar jasaldy.