Ulybrıtanıada koronavırýstyń taralý statısıkasy tómendemeı tur.
Sońǵy táýlikte 98 515 vırýs juqtyrý deregi tirkeldi, 143 adam qaıtys boldy, dep habarlaıdy Almaty-akshamy.kz Covid-19 taralýyna jol jónindegi VAK-tyń telegram kanalyna silteme jasap.
Pandemıa bastalǵannan beri elde COVID-19 ınfeksıasymen aýyrǵandar sany 12 mıllıonnan asty, 148 003 adam kóz jumdy. Sonymen birge Ulybrıtanıanyń Densaýlyq saqtaý mınıstri Sadjıd Djavıd Úkimettiń osy jyldyń sońyna deıin jańa shekteýler engizbeıtinin rastady. Búgingi tańda 12 jastan asqan Ulybrıtanıa turǵyndarynyń 89%-dan astamy vaksınanyń alǵashqy dozasyn aldy, al shamamen 82%-y vaksınalaýdyń tolyq kýrsynan ótti.
Jańa jyldyń basynan bastap Fransıa SARS-COV-2 vırýsynyń «omıkron» shtamyna baılanysty karantındik sharalardy kúsheıtýde. 3 qańtardan bastap buqaralyq is-sharalarǵa qatysý shekteledi. Jumys berýshilerge qyzmetkerlerdi qashyqtan jumys isteýge aýystyrý usynylady, qala ortalyqtarynda qorǵanys maskalaryn kıý mindetti bolady. Biraq Premer-mınıstr Jan Kasteks málimdegendeı, Úkimet komendanttyq saǵatty engizýge nıetti emes. Shekteýler týraly uıǵarym úsh apta boıy qoldanysta bolady. Al, eger Parlament tıisti zań jobasyn maquldasa, Fransıada 15 qańtardan bastap vaksınalaý tólqujattary áreket ete bastaıdy.
Úndistan qańtar aıynda 15 jastan asqan jasóspirimderge COVID vaksınasıasyn bastaıdy. Bul týraly Premer Narendra Modı aıtty. Sondaı-aq, ol jaqynda Úndistanda murynǵa arnalǵan koronavırýs vaksınasy jáne álemdegi alǵashqy DNQ vaksınasy qoldanysqa engiziletinin aıtty. Úndistanda eresek turǵyndardyń 61%-y tolyq egildi.
Izraıl «omıkron» shtamyna baılanysty saýda ortalyǵynyń jumysyna qosymsha shekteýler engizdi. Kelýshiler sany boıynsha lımıtter qaıta engizildi, aýdany 100 sharshy metrden asatyn dúkenderge kirý "jasyl" ruqsatnamany usynǵannan keıin ǵana múmkin bolady. Jańa nusqamalardyń oryndalýyn baqylaý 28 jeltoqsanda bastalady.
Sıngapýrda 5 jastan 12 jasqa deıingi balalardy COVID-19-ǵa qarsy vaksınalaý bastaldy. Jalpy alǵanda, qala-memleket aýmaǵynda kúnine myń balaǵa deıin qyzmet kórsetetin 15 mamandandyrylǵan ortalyq ashyldy. Sonymen qatar, densaýlyq saqtaý mınıstrligi vaksınalanbaǵan balalarǵa shekteýler engizý josparlary joq ekenin túsindirdi.