Aryqtar men nóser aǵyndaryna qoqyspen bitep tastaǵan almatylyqtarǵa aıyppul salynady
«985 tonna qoqys»: aryqtar men nóser aǵyndaryn qoqyspen bitep tastaǵany úshin Almatyda aıyppul salynatyn bolady, dep habarlaıdy Almaty-akshamy.kz Almaty qalasy Komýnaldyq ınfraqurylymdy damytý basqarmasynyń málimetine silteme jasap.
«Qazgıdromet» RMK boljamy boıynsha, 28-30 naýryz aralyǵynda Almaty qalasynda jańbyr túrinde jaýyn-shashyn kútilýde.
Búgingi kúni qalanyń komýnaldyq qyzmetteriniń kúshimen aryq jelilerin, aryq ótkelderin jáne qoqys tógilgen «oıyq jerge» tazalaý jumystary júrgizildi. 27 naýryzdaǵy jaǵdaı boıynsha, 985 tonna qoqys pen laı shyǵaryldy. Barlyq aryq jelileri tazalanǵan.
Jaýyn-shashyn kezinde sý basýdyń aldyn alý úshin motopompalarmen jáne shans quraldarymen jabdyqtalǵan 52 jedel mobıldi brıgadanyń kezekshiligi uıymdastyrylatyn bolady. 2 myń qap qum daıyndalǵan. Aýdandyq ákimdikterde jumysty baqylaý boıynsha táýlik boıy kezekshilik júrgiziledi.
Sý tasqynynyń aldyn alý úshin qala turǵyndarynan aryqtardy, nóser aǵyndary men kanaldardy qaldyqtarmen bitep tastamaýdy suraımyz. ÁQBtK-niń 505-baby boıynsha «Qalalar men eldi mekenderdiń aýmaqtaryn abattandyrý qaǵıdalaryn buzý, sondaı-aq ınfraqurylym obektilerin buzý, qala men eldi mekenderdiń jasyl jelekterin joıý jáne zaqymdaý» boıynsha buzýshylar ákimshilik jaýapkershilikke tartylatynyn qosymsha habarlaımyz, bul eskertýge nemese 20 AEK mólsherinde aıyppul salýǵa ákep soǵady.