Parıjde Ekonomıkalyq yntymaqtastyq jáne damý uıymynyń jemqorlyqqa qarsy kúres jónindegi jahandyq forýmy ótip jatyr.
Jyl saıyn oǵan álemniń 90 elinen jetekshi mamandar qatysady, dep habarlaıdy Almaty-akshamy.kz 24.kz-ke silteme jasap.
Bıyl olardyń arasynda qazaqstandyq delegasıa da bar. Forým alańynda sarapshylar uıym hatshylyǵy ókilderimen kezdesip, jemqorlyqpen kúres salasynda Ekonomıkalyq yntymaqtastyq jáne damý uıymy standarttaryn bekitý máselelerin talqylady. Esterińizge sala keteıik, Qazaqstan Stambýl is-áreket jospary monıtorıńiniń tórt kezeńinen sátti ótip, Ekonomıkalyq yntymaqtastyq jáne damý uıymynyń sarapshylary usynymdarynyń basym bóligin oryndady. Osylaısha sheteldik laýazymdy tulǵalardyń para alýyna qarsy kúres jónindegi konvensıaǵa qosylýǵa bir qadam jaqyndady.
«İs-sharada ózara is-qımyl jáne quqyqtyq kómek kórsetý, aktıvterdi qaıtarý, OESR standarttaryn saqtaý, jáne búdjettiń ashyqtyǵy týraly máseleler talqylandy. Osy forýmnyń aıasynda biz agenttiktiń qyzmeti jáne eldegi jemqorlyqqa is-qımyl boıynsha qabyldanyp jatqan sharalar tanystyryldy», - deıdi QR Sybaılas jemqorlyqqa qarsy is-qımyl agenttiginiń tóraǵasy Asqat Jumaǵalı.