Aport elimizdiń eń iri megopolısi – Almatynyń maqtanyshy.
Qasym-Jomart Toqaev BUU Azyq-túlik jáne aýyl sharýashylyǵy uıymynyń (FAO) bas dırektory Súı Dýnúımen kezdesýinde Almatynyń áıgili aportyn tanystyrdy, dep habarlaıdy Almaty-akshamy.kz Aqordaǵa silteme jasap.
"Qazaqstan almanyń otany retinde keńinen tanymal. Aport surpy elimizdiń eń iri megopolısi – Almatynyń mańaıynda ósedi. Biz almanyń osy túrin ózderińizben kúsh biriktire otyryp, álem naryǵyna shyǵarýǵa nıettimiz. Osy bastamamyzdy iske asyrý barysynda Sizdiń jeke qoldaýyńyzǵa arqa súıeımiz", - dedi Qasym-Jomart Toqaev.
Sonymen qatar Memleket basshysy Halyqaralyq Araldy qutqarý qory jáne Azyq-túlik qaýipsizdigi jónindegi Islam uıymynyń tóraǵasy retinde Qazaqstannyń basymdyqtary týraly aıtty.
Qasym-Jomart Toqaev Uıymdy Aral baseınindegi jerlerdiń topyraǵyn melıorasıalaýǵa jáne sý resýrstaryn basqarýǵa qatysty jobalar ázirleý isine jan-jaqty qoldaý kórsetýge shaqyrdy. Sondaı-aq Prezıdent elimizde FAO-nyń Ortalyq Azıadaǵy óńirlik bólimshesin ashýdy usyndy.
Azyq-túlik jáne aýyl sharýashylyǵy uıymynyń bas dırektory jahandyq azyq-túlik qaýipsizdigin qamtamasyz etý jáne gýmanıtarlyq kómek kórsetý isinde Qazaqstan aımaqta ǵana emes, búkil álemde eleýli ról atqaratynyn atap ótti.
Kezdesý sońynda Prezıdent mazmundy áńgime-dúken qurǵany úshin FAO basshylyǵyna rızashylyǵyn bildirip, ony aldaǵy Halyqaralyq Astana forýmyna qatysýǵa shaqyrdy.
Qasym-Jomart Toqaev Qurmetti qonaqtar kitabyna qoltańba qaldyrdy.