Almatyda 40 jyldan astam buryn paıdalanýǵa berilgen qubyr qaıta jańǵyrtylýda
Almatyda Aıtıeva kóshesinde 1980 jyly paıdalanýǵa berilgen qubyr qaıta jańǵyrtylýda. Jalpy uzyndyǵy 245,5 metr bolatyn jylý trassasy bes kópqabatty turǵyn úıdi jylýmen qamtamasyz etedi. Jazǵy kezeńde kórsetilgen tutynýshylarǵa ystyq sý berý saqtalady.
Josparly jumystardy júrgizý kezinde qaýipsizdikti qamtamasyz etý maqsatynda 2025 jylǵy 6-26 mamyr aralyǵynda Aıtıeva kóshesinde, Bogenbaı batyr men Qarasaı batyr kósheleri arasyndaǵy ýchaskede avtokólik qozǵalysy shekteledi.
Jalpy, bıyl qala boıynsha 39 km jylý jelisin rekonstrýksıalaý josparlanǵan. Bul tozý deńgeıin 54%-ǵa deıin tómendetýge múmkindik beredi.
Ýaqytsha qolaısyzdyqtarǵa túsinistikpen qaraýyńyzdy suraımyz
«Almaty jylý júıesi» JSHS