Almatynyń Alataý aýdanynda "Halyq qatysatyn búdjet" aıasynda 50-den astam qoǵamdyq keńistik quryldy
2023 jyly Almatyda "Halyq qatysatyn búdjet" baǵdarlamasy aıasynda 50-den astam qoǵamdyq keńistik quryldy. Bul týraly qala basshysy Erbolat Dosaev Alataý aýdanynyń turǵyndarymen esep berý kezdesýinde málimdedi.
Qoǵamdyq keńistikterge mynalar kiredi: uzyndyǵy 1,5 km Ahanov kóshesindegi úsh shaǵyn aýdandy baılanystyratyn jaıaý júrginshiler aımaǵy: Alataý Sıtı, Aqbulaq, Daraboz sh/a, "Sıren baǵy" taqyryptyq alańy, Zerdeli shaǵyn aýdanyndaǵy alań, aýmaǵy 35 bolatyn Qarasý sh/a skver, ol jergilikti turǵyndardyń ótinishteri boıynsha qurylǵan.
2024 jyly 2,5 mlrd teńge somasyna "Halyq qatysatyn búdjet" baǵdarlamasynyń 45 jobasy iske asyrylatyn bolady, Qarasý sh/a-da skver qurylysy jalǵasady. "Qaraǵaıly bor" skverin keńeıtý, sondaı-aq Chýlanov, Ótemisov jáne Dospanova kóshelerinde qoǵamdyq keńistikter qurylady.
Sonymen qatar, osy jyldyń mamyr aıynda Boraldaı ózeni boıyndaǵy Ójet shaǵyn aýdandaǵy toǵan aınalasyndaǵy iri rekreasıalyq aımaqtardyń qurylysy aıaqtalady.
Aıta keterligi, rekreasıalyq aımaq – bul halyqtyń demalys oryndaryn uıymdastyrýǵa arnalǵan qaladaǵy arnaıy bólingen aýmaq