Alataý aýdanynda ınjenerlik jelilerdi damytý boıynsha aýqymdy jobalar bastaldy.
Almatynyń Alataý aýdanyndaǵy 11 shaǵyn aýdanda ınjenerlik jelilerdi damytý aıasynda bıyl birtalaı joba josparlanǵan.
Qazir olardyń birazynda qurylys-montaj jumystary bastaldy. Alǵabas shaǵyn aýdanynda sý qubyry men kárizdi tóseýdiń 3 kezeńi bastaldy, bul 584 turǵyn úıde 4 myńǵa jýyq adamdy qamtamasyz etýge múmkindik beredi. Sonymen qatar, ol aıaqtalǵannan keıin Qojabekov pen F.Ońǵarsynova kóshelerine asfált tóseý josparlanyp otyr.
«Shapaǵat» shaǵyn aýdanynda 2,5 myńǵa jýyq adamdy sýmen jabdyqtaý jáne káriz júıesimen qamtamasyz etý maqsatynda 449 turǵyn úıde jobanyń 2-shi kezegindegi qurylys-montaj jumystary júrgizilýde.
«Rahat-Mádenıet» shaǵyn aýdanynda jumysty aıaqtaý 2025 jylǵa josparlanǵan, bul 2882 turǵyn úıde 14 myńnan astam adamdy qamtamasyz etýge múmkindik beredi.
Barlyǵy 20 500-ge jýyq turǵyny bar úsh shaǵyn aýdanda 3915 jeke úı jelige qosylady. Sý qubyry jelisiniń jalpy uzyndyǵy 103,2 km, káriz jelisiniń jalpy uzyndyǵy 121,0 km.