QS Asia University Rankings 2025 reıtıńine Qazaqstannyń 35 joǵary oqý orny kirdi, onyń 13-i Almatydan.
QS agenttiginiń ókilderiniń aıtýynsha, Qazaqstan joǵary oqý oryndary jaqsy serpin kórsetip, ótken jylmen salystyrǵanda 60 paıyzdan astam kórsetkishke jaqsartqan.
Mysaly, 22 qazaqstandyq joǵary oqý orny óz pozısıasyn joǵarylatty, úsh JOO óz pozısıasyn saqtap qaldy. Ál-Farabı atyndaǵy Qazaq ulttyq ýnıversıteti reıtıńtiń alǵashqy 100-ine endi. Sondaı-aq, Satbayev University 89-shy oryndy ıelenip, TOP-100 qataryna kirdi.
Bir jyldyq úzilisten keıin Qazaq ulttyq qyzdar pedagogıkalyq ýnıversıteti reıtıńke qaıta oralyp, 801-850 sanatyna endi.
Aıta keteıik, Azıanyń úzdik joǵary oqý oryndarynyń reıtıńine 25 el men aýmaqtan 985 joǵary oqý orny qatysty. Qazaqstandyq joǵary oqý oryndary úshin eń úlken básekelestik Úndistan, Qytaı, Japonıa jáne Ońtústik Koreıanyń joǵary oqý oryndary boldy.
Bul reıtıńti álemdegi eń bedeldi agenttikterdiń biri QS Quacquarelli Symonds ázirleıdi, ol ýnıversıtetterdi akademıalyq bedel, jumys berýshilerdiń bedeli, oqytýshylar men stýdentter sanynyń araqatynasy, ǵylymı jarıalanymdar jáne halyqaralyq zertteýlerge qatysý sıaqty krıterııler boıynsha baǵalaıdy.
Almatynyń 13 ýnıversıteti men olardyń QS Asia University Rankings 2025 reıtıńindegi oryndary:
1. Ál-Farabı atyndaǵy Qazaq ulttyq ýnıversıteti – 29-oryn.
2. Satbayev University – 89-oryn.
3. Abaı atyndaǵy Qazaq ulttyq pedagogıkalyq ýnıversıteti – 131-oryn.
4. Qazaq ulttyq agrarlyq zertteý ýnıversıteti – 149-oryn.
5. Qazaqstan-Brıtan tehnıkalyq ýnıversıteti – 230-oryn.
6. KIMEP ýnıversıteti – 269-oryn.
7. Abylaı han atyndaǵy Qazaq halyqaralyq qatynastar jáne álem tilderi ýnıversıteti – 305-oryn.
8. Narxoz University – 345-oryn.
9. S.D. Asfendıarov atyndaǵy Qazaq ulttyq medısına ýnıversıteti – 345-oryn.
10. Almaty tehnologıalyq ýnıversıteti – 354-oryn.
11. Halyqaralyq aqparattyq tehnologıalar ýnıversıteti – 751-800-oryn.
12. «Turan» ýnıversıteti – 751-800-oryn.
13. Qazaq ulttyq qyzdar pedagogıkalyq ýnıversıteti – 801-850-oryn.