Álemdik sarapshylar «Almaty Crossroads» konferensıasynda Almatydaǵy gastrotýrızmniń keleshegin talqylady, dep habarlaıdy almaty-akshamy.kz
22 maýsymda Qazaqstan-Brıtan tehnıkalyq ýnıversıtetinde (QBTÝ) Almaty Crossroads aýqymdy konferensıasy ótti. Bul sharaǵa Qazaqstan, Nıderlandy, Katar, Indonezıa, Ońtústik Koreıa, Belgıa jáne basqa elderden 30-dan astam sarapshy qatysty. Qatysýshylar arasynda Leonıd Parfenov, Nurlan Smaǵulov, Asqar Baıtasov sıaqty kórnekti tulǵalar, Michelin jáne The World's 50 Best Restaurants ókilderi, sondaı-aq Mathaf ókilderi: Arab zamanaýı óner murajaıy (Katar murajaılary), Selınnyı zamanaýı mádenıet ortalyǵy jáne Almaty óner murajaıy boldy.
Konferensıanyń mısıasy – emosıonaldy jáne áleýmettik mańyzdy ózgeristerdi qalyptastyrý úshin arnaıy keńistik qurý. Konferensıada «Nege adamdar ulttyq taǵamdardy tatyp kórý jáne jańa eldi ashý úshin myńdaǵan shaqyrym jol júrýge daıyn? Qaı qalada turý jáne týrıserdi qabyldaý jaqsy? Almatyny qalaı kórikti jerge aınaldyrýǵa bolady?» sekildi mańyzdy suraqtarǵa jaýap berýge arnaldy. Ýrbanıstıka, gastronomıa, óner, bıznes jáne qonaqjaılylyq salalarynyń sarapshylary osy jáne basqa da kóptegen taqyryptardy jeti pikirtalasta talqylady.
Almaty Museum of Arts bas kýratory Inga Latse, kómirtegi nóldik shyǵaryndylary bar álemdegi alǵashqy qonaq úı kompanıasy Potato Head Bali qalasynan kelgen Klaýdıa Sofıa Fon, «I Amsterdam» brendi jáne basqa da tanymal tulǵalar konferensıada óz oılaryn ortaǵa saldy.
Almaty qalasy ákiminiń orynbasary Álisher Ábdiqadyrov konferensıada Almatynyń qarjylyq, mádenı jáne týrısik astana retinde mańyzdy ról atqaratynyn atap ótti. Sońǵy bir jylda qalaǵa 2 mıllıonnan astam týrıs kelip, onyń 540 myńy sheteldikter ekenin aıtty. Sheteldik týrıserdiń shamamen jartysy Almatyǵa arnaıy gastronomıa úshin keletinin atap ótti. Týrızm ekonomıkalyq turǵydan qala úshin mańyzdy salaǵa aınalyp, ótken jyly tek salyqtan 72 mıllıard teńgege jýyq qarjy jınalǵanyn, bul 160 mıllıon dollardy quraıtynyn málimdedi. Týrızmniń belsendi qaıtarymdy jáne úlken jumyspen qamtýdy qamtamasyz etetin sala ekenin atap ótti.
Konferensıa aıasynda 17-23 maýsym aralyǵynda Almaty úlken qalalyq festıválge aınalyp, qala meıramhanalarynda arnaıy festıvál mázirinen dám tatý jáne The World's 50 Best Restaurants jáne Michelin juldyzdy aspazdarynyń qatysýymen gastronomıalyq keshki astar uıymdastyryldy. Bul keshki astar alǵash ret meıramhanalardan tys jerde jáne qalanyń tanymal oryndarynda ótti.
Bul bastama Almatynyń mádenı jáne gastronomıalyq ártúrliligin kórsetip qana qoımaı, týrıserdi kóbirek tartýǵa kómektesedi, bul óz kezeginde qalanyń ekonomıkalyq damýyna oń áser etedi.