Shyrshalar, ertegi keıipkerleriniń fıgýralary jáne merekeniń basqa atrıbýttary jeltoqsan aıynyń ortasynda megapolıs kóshelerinde paıda bola bastaıdy.
Qazirgi ýaqytta ashyq konkýrs ótip jatyr, onyń qorytyndysy boıynsha qandaı kompanıa jáne jańa jylǵa qaraı qalany bezendirýmen qandaı somaǵa aınalysatyny anyq bolady. Dızaın boıynsha negizgi jumys jeltoqsan aıynyń ortasynda bastalady. Bul týraly ÓKQ brıfıńi barysynda Almaty qalasy ákiminiń orynbasary Arman Qyryqbaev málimdedi, dep habarlaıdy Almaty-akshamy.kz.
Jýrnalıserdiń suraqtaryna jaýap bergen Arman Qyryqbaev uzyndyǵy 20 metr bolatyn jańa jylǵy basty shyrsha Abaı atyndaǵy alańda ornatylatynyn aıtty. Ony saltanatty túrde 20 jeltoqsanda jaǵylyp, merekelik konsert 20 jeltoqsanda ótedi.
«Barlyq tilek bildirýshiler oǵan qatysa alady. Jalpy, Jańa jylda qalada 60-tan astam shyrsha ornatylady. Qala turǵyndary men qonaqtary úshin túrli taqyryptyq is-sharalar ótedi - bul jańa jyldyq qysqy festıvál, túrli sheberlik synyptary, jas sýretshilerdiń sýret kórmeleri, anımatorlar baǵdarlamalary, konsertter jáne mobılograftar arasynda jańa jyldyq úzdik beınerolıkterge arnalǵan baıqaý. Alǵash ret týystary men jaqyndaryna syılyqtar satyp alýǵa bolatyn aýdandarda jańa jyldyq jármeńke uıymdastyrýdy josparlap otyrmyz. Sondaı-aq Aıaz Atalar sherýi ótedi», - dep habarlady A. Qyryqbaev.
Jyl saıyn SHOB, iri saýda ortalyqtary jáne basqa da sýbektiler jańa jyldyq bezendirýge belsendi qatysady jáne kelýshilerdi qýantqysy keledi.
Qalany bezendirýde jaryq kompozısıalarynyń biryńǵaı stılde bolýyna basty nazar aýdarylady. Jaıaý júrginshi kósheleri (Panfılov jáne Jibek joly), Abaı jáne Astana alańdary, Tuńǵysh Prezıdent saıabaǵy, Abaı atyndaǵy Qazaq Ulttyq opera jáne balet teatrynyń, N. Sas atyndaǵy jasóspirimder teatrynyń, «Almaty arena» muz kesheniniń aldyndaǵy alańdar, sondaı-aq árbir aýdandaǵy tartymdy núkteler ınstallásıalarmen, ılúmınasıalarmen jáne foto-aımaqtarmen bezendiriledi.
Arman Qyryqbaev jańa jyldyq bezendirý kezinde paıdalanýǵa jaramdy ótken jylǵydan qalǵan konstrýksıalardy paıdalaný josparlanǵanyn atap ótti.
Al jappaı syrǵanaý úshin qalada 22 ashyq muz aıdyny uıymdastyrylady. Ashyq muz aıdyndarynyń aýmaǵynda sporttyq-oıyn-saýyq baǵdarlamalaryn, konkýrstardy, fleshmobtardy, júldelermen utys oıyndaryn, demalys aımaqtary men kofe-poınttardy uıymdastyrý josparlanǵan.