Memleket basshysynyń seısmıkalyq qaýipsizdikti kúsheıtý jáne qoǵamdyq keńistikterdi sapaly damytý jónindegi tapsyrmalaryn oryndaý úshin, 2 jańa basqarma qurý usynylady.
Birinshi. Seısmıkalyq qaýipsizdik jáne jumyldyrý daıyndyǵy basqarmasy.
Ózderińiz biletindeı, ótken aıda Memleket basshysy seısmıkalyq qaýipsizdikti qamtamasyz etý máselelerine erekshe nazar aýdarýdy jáne osy baǵyttaǵy memlekettik organdardyń qyzmetin túbegeıli qaıta qaraýdy tapsyrdy.
Bul basqarmanyń negizgi mindeti seısmıkalyq qaýipsizdik standarttarynyń saqtalýyn qamtamasyz etý, jer silkinisi táýekelderin basqarý, tabıǵı apattar kezinde kerek bolatyn bazalyq daǵdylarǵa halyqty oqytýdy uıymdastyrý, sondaıaq seısmıkalyq qaýipsizdik máseleleri boıynsha tótenshe jaǵdaılar, polısıa departamentteriniń, qalalyq qyzmetterdiń jáne uıymdardyń jumystaryn úılestirý bolyp tabylady.
Budan basqa, osy basqarmaǵa qala ákimi apparatynan jumyldyrý daıyndyǵy, aýmaqtyq qorǵanys pen azamattyq qorǵaýdy qamtamasyz etý salasyndaǵy fýnksıalar beriledi.
Seısmıkalyq qaýipsizdik jáne jumyldyrý daıyndyǵy basqarmasynyń jumysy tabıǵı jáne tehnogendik sıpattaǵy tótenshe jaǵdaılardyń týyndaý qaýpin monıtorıńteýdiń biryńǵaı júıesin ázirleýge, seısmoaýdıtti sapaly júrgizýge, sondaı-aq tótenshe jaǵdaılar kezinde táýekelderdi azaıtý boıynsha jedel jáne aldyn alý sharalaryn qabyldaýǵa múmkindik beredi.
Ekinshi. Ózderińiz biletindeı, Almaty qalasyn Damytý baǵdarlamasynyń negizgi baǵyttarynyń biri jaıly qalalyq ortany qamtamasyz etý bolyp tabylady.
Osyǵan baılanysty kelesi fýnksıalardy berý arqyly Qoǵamdyq keńistikterdi damytý basqarmasyn qurý usynylady:
- Qoǵamdyq keńistikterdi damytý boıynsha biryńǵaı prınsıpter men tásilderdi qamtamasyz etý úshin qala basqarmalary men aýdan ákimdikteriniń jumysyn úılestirý;
- Qoǵamdyq keńistikterdi damytý tujyrymdamalaryn ázirleý jáne jobalaý boıynsha jumysty uıymdastyrý;
- Qalalyq mańyzy bar qoǵamdyq keńistikterdi jańǵyrtý, salý jáne abattandyrý fýnksıalary beriletin bolady.
Qoǵamdyq keńistikterdi damytý basqarmasyn qurý Almaty qalasynyń tarıhı biregeıligin eskere otyryp, qoǵamdyq keńistikterdi sapaly qurýǵa jáne qaıta qurýǵa múmkindik beredi.
Joǵaryda aıtylǵandardyń negizinde Almaty qalasyn basqarý sqemasyna eki jańa basqarma qosý arqyly tıisti ózgerister engizý usynylady.