Shymkentte halyqaralyq izdeýde júrgen sheteldik azamat ustaldy. Ol 14 jyl boıy jazasyn óteýden qashyp júrgen, – dep habarlaıdy Polisia.kz.
38 jastaǵy er adamdy Turan aýdanynyń kóshi-qon qyzmetkerleri reıdtik shara júrgizý barysynda anyqtady. El aýmaǵynda zańsyz júrip-turǵan sheteldik uzaq jyldar boıy qylmystyq qýdalaýdan jasyrynyp kelgeni belgili boldy. Oǵan qatysty iri kólemde alaıaqtyq jasaǵany úshin 2010 jyly tashkenttik quqyq qorǵaýshylar qylmystyq is qozǵaǵan.
QR kóshi-qon salasyndaǵy zańnamasyn buzǵany úshin er adamǵa ÁQBtK-tiń 517-babyna sáıkes shara qabyldandy.
Qazirgi tańda ustalǵan azamat óz eline jiberildi.