Almatylyqtar jańa «omıkron» shtamy kelgenge deıin vaksınalaný jáne qaıta vaksınalaný qajet
Almaty qalasynyń qoǵamdyq densaýlyq basqarmasynyń basshysy Narıman Tabynbaev Óńirlik komýnıkasıalar qyzmetiniń baspasóz konferensıasynda qaladaǵy vaksınalar Pfizer tıimdiligi jaǵynan kem túspeıtinin aıtyp, megapolıstegi egý naýqanynyń qarqynyn «omıkron» kelgenge deıin arttyrý kerektigin atap ótti, dep habarlaıdy Almaty-akshamy.kz
Narıman Tabynbaevtyń aıtýynsha, búginde Almatyda 585 700 doza vaksına bar, onyń ishinde Spýtnık-V – 33 756, QazVac – 50 009, Vero Cell – 223 755 jáne 277 987 – Pfizer vaksınalary.
QDB basshysy vaksınalaý aýrýdyń aýyr aǵymynan qutylýǵa múmkindik beretinin eske saldy. Ol azamattardy «omıkron» shtamy anyqtalǵan jaǵdaıda maksımaldy qaýipterge daıyndalýǵa shaqyrdy. Qalyptasqan jaǵdaıda dárigerler revaksınasıaǵa súıenedi. N. Tabynbaev sondaı-aq ekpe jasaǵandardy qaıta vaksınalanýǵa shaqyrdy. Ázirge úshinshi vaksınany 45 503 almatylyq aldy.
«Vaksınalaný óziniń tıimdiligin kórsetti. Revaksınasıa jónindegi naýqandy jalǵastyrý qajet. Búginde aqyly vaksınalaýǵa arnalǵan Pfizer preparaty joq. Men turǵyndardy qolda bar QazVac jáne Vero Cell vaksınalarymen qaıta vaksınalanýǵa shaqyramyn, olardyń tıimdiligi esh kem túspeıdi», – dep atap ótti Narıman Tabynbaev.
- «Omıkron» ınfeksıanyń basqa nusqalaryna qaraǵanda tezirek taralady, - deıdi bólim basshysy. Onyń aıtýynsha, qazirgi ýaqytta ınfeksıalyq stasıonarlarda 131 adam bar (kovıdtik naýqastar úshin anyqtalǵan tósek qorynyń 12%-y jumys isteıdi, barlyǵy 900-ge jýyq tósek-oryn bar).
Búginde úıde BMSK jáne telemedısına ortalyǵynyń mobıldi brıgadalarynyń baqylaýynda 274 pasıent bar.
Almatyda qazirgi ýaqytta vaksınanyń birinshi komponentin 1 066 150 adam, eki komponentti 1 005 246 qala turǵyny aldy. Ótken táýlikte birinshi komponentpen 1 700 adam vaksınalandy. Pfizer (Comirnaty) kompanıasynyń preparatymen 26 164 adam egildi, onyń ishinde 1 458 júkti áıel, 5 231 bala emizetin áıel jáne 19 475 jasóspirim bar.