İndet eshkimdi aıamaıdy.
№8 emhananyń bas dárigeri Farıda Aǵybaeva ózderinde koronavırýs sımptomdaryn baıqaǵan Almaty turǵyndaryna jasyrýdyń nege qaýipti ekenin túsindirdi, dep habarlaıdy Almaty-akshamy.kz.
Eske salsaq, búginde qaladaǵy epıdemıologıalyq ahýal shıelenisken kúıinde qalyp otyr. Bir apta ishinde Almatyda KVI aýrýyn tirkeý 1,5 esege ósti. Bul vaksınalanbaǵandardyń syrqattanýynyń jalǵasýyna jáne koronavırýs ınfeksıasynyń «delta» shtamymen syrqattanbanǵanyna baılanysty.
Dárigerdiń aıtýynsha, sýyq tıýge de, COVID-19-ǵa da uqsas sımptomdar tán: tamaq aýrýy, jótel, qyzba jáne murynnan sý aǵý. Koronavırýstyń kóptegen jaǵdaılary biriktirilgen belgilerden bastalady. Iaǵnı, bakterıalyq ınfeksıa qosylady – aýyrý nemese tamaqtyń jybyrlaýy múmkin.
Qalaı bolǵanda da, respıratorlyq aýrýdyń sımptomdary paıda bolǵan kezde, dúrbeleń shyǵarmaǵan jón, - deıdi dáriger.
«Koronavırýstyń jańa túriniń ınkýbasıalyq kezeńi óte qysqa, ınfeksıanyń damýy birneshe kúnge sozylady. Sondyqtan adamdar JRVI-men aýyryp qaldym, ýlandym dep oılaı bastaıdy jáne olar úıdegi dári-dármektermen emdelýge tyrysqanda, olarda ınfeksıanyń damyǵan satysy bar ekeni belgili bolady, aýrý óte aýyr júredi. Osyǵan baılanysty, jedel respıratorlyq vırýstyq ınfeksıalar men jedel respıratorlyq ınfeksıalardyń belgileri paıda bolǵan kezde, sizge shuǵyl medısınalyq kómekke júginýdi, turǵylyqty jerińiz nemese bekitilgen jerińiz boıynsha dárigerdi shaqyrýdy usynamyz», - dedi F. Aǵybaeva.
PTR men qan analızi dıagnozdy anyqtaýǵa kómektesedi.
№8 emhananyń bas dárigeri koronavırýs sımptomdary baıqalǵan Almaty turǵyndaryn qoryqpaı, dárigerge qaralýǵa shaqyrdy. Eger jaǵdaıy aýyr bolmasa, naýqas ambýlatorıalyq jaǵdaıda emdeledi jáne Telemedısına ortalyǵynyń mamandarynyń baqylaýynda bolady.