Qylmys túbi - jaza.
Qalada taksı júrgizýshisin tunshyqtyryp, qaraqshylyq shabýyl jasaǵandar ustaldy, dep habarlaıdy Almaty-akshamy.kz. Polisia.kz saıtyna silteme jasap.
Jaqynda, 3 tamyz kúni, “Halyq Arena” aımaǵynda taksı júrgizýshisine qaraqshylyq shabýyl jasaldy. Polısıa buryn qaraqshylyq shabýyl jáne tonaý boıynsha sottalǵan kúdiktilerdi tez arada ustady. “Iandeks taksı” júrgizýshisi bolyp jumys isteıtin 25 jastaǵy qyzǵa shabýyl jasaldy. Túngi saǵat bir jarym shamasynda ol ótinimdi qabyldady, klıentterdi “Saıahattyń” aýdanyna alyp barý kerek boldy. Jábirlenýshi qyzdyń aıtýynsha, kólikke eki mas jigit otyrǵan. Kórsetilgen mekenjaıǵa jetken soń, olardyń biri júrgizýshini moınynan qylqyndyrady. Esinen tanyp qalǵan qyz jolaýshylar otyratyn artqy oryndyqtyń edeninde oıanady. Qaraqshylar onyń bank kartasy men telefonyn alyp alǵan. “Terekti” yqshamaýdanynyń aımaǵynda qyzdy kólikten shyǵaryp jiberedi. Osydan keıin ǵana jábirlenýshi polısıaǵa habarlasa alady. Kelgen polısıa qyzmetkerlerine kúdiktilerdiń belgilerin aıtqan soń, jedel izdestirý is-sharalary barysynda kúdiktiler anyqtalyp, ustaldy.
Olar buryn birneshe ret sottalǵan 34 jáne 23 jastaǵy er adamdar bolyp shyqty.
Atalǵan fakt boıynsha QR QK-niń 191-baby 2-bólimi 3-tarmaǵyna sáıkes sotqa deıingi tergeýdiń biryńǵaı tiziliminde qylmystyq is qozǵaldy. Kúdiktiler Almaty qalasy PD-niń ýaqytsha ustaý ızolátoryna qamaldy.