Ol ózin qurylys kompanıalarynyń biriniń ınjeneri retinde kórsetken.
Úıdi qaıta qurýdy zańdastyryp beremin dep ýáde bergen azamat almatylyqtardy aldaǵan, dep habarlaıdy Almaty-akshamy.kz Polisia.kz-ke silteme jasap.
Másele 25 jastaǵy Ia.esimdi azamat jaıynda bolyp otyr.
«İs júzinde oǵan esh qatysy bolmasa da, ózin qurylys kompanıalarynyń biriniń ınjeneri retinde kórsetip, azamattardyń senimine qıanat jasap, olarǵa turǵyn úılerin qaıta qurýdy zańdastyrýǵa ýáde berdi. Bul qyzmeti úshin er adam «klıentterden» 100 myń teńgeden 300 myń teńgege deıin alǵan. Tergeýdiń osy kezeńinde osyǵan uqsas úsh epızod anyqtaldy. Bul qylmystyq árekettiń serıalyq bolýy da joqqa shyǵarylmaıdy, osyǵan baılanysty Ia.esimdi azamattyń zańsyz áreketterinen zardap shekkenderdiń myna telefon nómirleri arqyly habarlasýlaryn suraımyz: 8-707-447-07-50; 8-747-699-70-02 jáne 8-778-622-02-19», – dedi Naýryzbaı aýdandyq polısıa basqarmasynyń bastyǵy Dıdar Ahanov.
Polısıada kúdiktiniń áreketteri QR QK-niń 190-baby 3-bóliginiń 4-tarmaǵy boıynsha tergeýmen saralanǵanyn atap ótti.