Almatyda qyzmet etetin patrúldik polısıa qyzmetkeri Mereı Sársebek óziniń kásibıligi, sypaıylyǵy jáne adamgershiligimen qala turǵyndarynyń rızashylyǵyna bólenip júr. Onyń zeıindi jumysy men adal qyzmeti áleýmettik jelide erekshe talqylanyp, alǵystar aıtylýda.
Mereı Sársebek İshki ister organdarynda 2020 jyldan beri jumys istep keledi, qazirgi ýaqytta vzvod komandıri bolyp tabylady. Onyń joǵary kásibıligi men adaldyǵy jas mamandarǵa úlgi bolýda. Qazirgi tańda ol óz tájirıbesin jas polıseılerge úıretip, azamattardy qorǵaý isinde tálimger retinde qyzmet etýde.
Almaty qalalyq PD jergilikti polısıa qyzmeti basqarmasynyń basshysy Serik Shýmaev Mereıdiń bul qasıetterin İİM-niń ardageri bolǵan ákesinen úırengenine senimdi ekenin atap ótti.
Jańa jyl túni Mereı Sársebek kóptegen áriptesteri sıaqty qaladaǵy tártip pen qaýipsizdikti qamtamasyz etý úshin jumys ornynda bolady. Onyń sózinshe, jumystaǵy jetistiginiń syry – sypaıylyq, zeıindilik, jaýapkershilik jáne adamdarǵa qurmetpen qaraý.
"Eń bastysy – azamattardyń alǵysyn estý. Bul – bizdiń jumysymyzdyń negizgi maqsaty jáne meniń júregimdi jylytady," – dedi Mereı Sársebek.