Kúdikti ýaqytsha ustaý ızolátoryna qamaldy.
Almatylyqtardy 15 mln teńgege aldap soqqan «dóńgelek satýshy» qolǵa tústi, dep habarlaıdy Almaty-akshamy.kz Polisia.kz-ke silteme jasap.
Qaskóı ózin dóńgelekter men dıskterdi tek kóterme jetkizýshi retinde usyndy. Alam deýshilerge tikeleı qoımadan arzan baǵadaǵy taýardy alyp berýge ýáde bergen.
«30 jastaǵy E. esimdi azamat taýar tólemin aldyn ala alǵan. Ol «satyp alýdyń» kólemine qaraı 500 myńnan 6 mıllıon teńgege deıingi qarjy bolǵan. Er adam ýádesin oryndamaǵan soń, aldanǵan 12 azamat polısıaǵa aryz jazǵan. Qylmystyq is QR QK-niń 190-baby 3-bóligi (Alaıaqtyq) boıynsha tergelýde. Tergeýdiń qazirgi kezeńinde jábirlenýshilerge keltirilgen shyǵynnyń jalpy somasy 15 mıllıon teńgeden asady. Kúdikti ýaqytsha ustaý ızolátoryna qamaldy», - dedi Alataý aýdandyq PB bastyǵy İlıas Ómirserikov.
Polısıa tergeý qajettiligin eskere otyryp, E. esimdi azamattyń qylmystyq áreketterinen zardap shekken adamdardyń myna telefondarǵa habarlasýyn suraıdy: 8-700-300-99-96; 8-778-626-11-08.