Jalpy materıaldyq shyǵyn 25 mln teńgeden asady.
Alataý aýdany polıseıleriniń málimetinshe, qala turǵyndaryna «jaqsy jaǵdaı jasaımyn» dep aldap ketken 44 jastaǵy D.esimdi azamatsha ustaldy, dep habarlaıdy Almaty-akshamy.kz Polisia.kz saıtyna silteme jasap.
«Tergeý barysynda áıeldiń adamdardyń senimine kirip, jer telimderin, páterlerdi jáne basqa da jyljymaıtyn múlikti naryq baǵasynan tómen baǵaǵa satyp alýdy usynǵany anyqtaldy. «Klıentter» jetkilikti boldy. Kúdikti adamdardan «satyp alý» ornyna qaraı 2 mıllıonnan 7 mıllıonǵa deıin bastapqy jarnany alyp, satyp alýshynyń aqshasymen iz-túzsiz joǵalyp ketken. Qazirgi ýaqytta onyń 14 alaıaqtyqqa qatysqany dáleldendi, – deıdi Alataý aýdandyq polısıa basqarmasynyń bastyǵy İlıas Ómirserikov.
Jalpy materıaldyq shyǵyn 25 mln teńgeden asady. Kúdikti ustaldy jáne, QR Qylmystyq is júrgizý kodeksiniń 128-babyna sáıkes, ýaqytsha ustaý ızolátoryna qamaldy.
«Aıtpaqshy, buryn D.esimdi azamatshanyń sottylyǵy bolǵan joq. Alaıda onyń basqa epızodtarǵa qatysy bar bolýy múmkin ekendigi joqqa shyǵarylmaıdy. Osyǵan oraı, azamattardy sýretke qarap, jeke basyn anyqtaǵan jaǵdaıda myna telefon nómirleri arqyly habarlasýlaryn suraımyz: 227-55-02; 8-708-380-54-00; 8-708-374-74-25», – deıdi polısıa.