Dene shynyqtyrýmen aınalysatyn adamdar sany artyp keledi
Premer-Mınıstr Almatydaǵy sapary barysynda qaıyrymdylyq bastamasy aıasynda salynǵan «CHAMPION» jańa sport keshenine bardy. Onda baseın, oıyn jáne sport zaldary, bes fıtnes aımaq, kafe bar. Sport kesheni kúnine 700 adamǵa deıin qyzmet kórsete alady, dep habarlaıdy Almaty-akshamy.kz.
Joba ártúrli formattaǵy jattyǵýlar men jarystardy ótkizý, sondaı-aq nıet bildirýshilerdiń barlyǵyna, ásirese, áleýmettik osal toptaǵy balalarǵa sportpen shuǵyldanýǵa múmkindik berý úshin iske asyryldy.
Álıhan Smaıylov mundaı áleýmettik jobalarǵa jeke ınvestısıalar tartý asa mańyzdy ekenin atap ótti, óıtkeni bul Almatyny salaýatty ómir saltyn ustanatyn qala retinde nyǵaıtýǵa úles qosady.
«Almatylyqtar sportpen shuǵyldanýdy jaqsy kóredi. Jyldan-jylǵa jalpy dene shynyqtyrýmen aınalysatyn adamdar sany artyp keledi. Bul úrdisti qoldaý kerek. Ákimdik eresekter men erekshe qajettilikteri bar balalarǵa da nazar aýdarýy kerek. Olar úshin salynyp jatqan dene shynyqtyrý-saýyqtyrý keshenderinde sportpen shuǵyldaný jáne ońaltý úshin barlyq qajetti jaǵdaı kózdelýge tıis», — dedi Premer-Mınıstr.