Qazir Almaty boljaý polıgonynyń aýmaǵynda 47 stansıa jumys isteıdi
Aldaǵy aptada Almaty qalasynyń, Almaty jáne Jetisý oblystarynyń aýmaǵynda shamamen 3-3,5 baldy quraıtyn jer dúmpýleri bolýy yqtımal, dep habarlaıdy Almaty-akshamy.kz.
2023 jylǵy 10 naýryzda Seısmologıa ınstıtýtynda seısmıkalyq boljaý komısıasynyń kezekten tys otyrysynyń qorytyndysy boıynsha ótken brıfıńte osyndaı málimdeme jasaldy.
Qazirgi ýaqytta Almaty boljaý polıgonynyń aýmaǵynda (Almaty q., Almaty jáne Jetisý oblystary) 47 stansıa jumys isteıdi.
Instıtýt bazasynda turaqty boljaý komısıasy jumys isteıdi, onyń quramyna tórt ǵylymı zerthananyń qyzmetkerleri men Seısmologıalyq tájirıbelik-ádistemelik ekspedısıanyń (STÁE) qyzmetkerleri kiredi.
Brıfıń qorytyndysy boıynsha Seısmologıa ınstıtýtynyń dırektory Dáýlet Sársenbaev bıylǵy jyly Almaty boljaý polıgonynyń aýmaǵynda kúshti jáne joıqyn jer silkinisi kútilmeıtinin aıtty.
"Rejımdik baqylaýdyń keshendi stansıalary jelisinen kún saıyn alynatyn seısmologıalyq, geofızıkalyq, gıdrogeodınamıkalyq, geohımıalyq jáne basqa da derekterge (200 parametrge deıin) turaqty monıtorıń júrgiziledi",- delingen habarlamada.
Seısmologıa ınstıtýty Qazaqstan Respýblıkasynda seısmıkalyq qaýipsizdikti qamtamasyz etý máseleleri jónindegi irgeli jáne qoldanbaly zertteýler salasyndaǵy basty uıym bolyp tabylady.