Munda byltyrdan beri 12 qarjy pıramıdasy anyqtalǵan.
QR Qarjy monıtorıńi agenttiginiń basshysy Ómirserik Tájmaǵanbetovtiń aıtýynsha, qarjy pıramıdasynyń basym bóligi Almatyda anyqtalady, sáıkesinshe qarjy alaıaǵy qurbanynyń sany kóp eken, dep habarlaıdy Almaty-akshamy.kz
Basqarma basshysynyń sózinshe, Almaty qarjy ortalyǵy bolyp otyr.
"Halyqtyń basym bóligi Almatyda turady. Osyǵan baılanysty qarjy pıramıdasynyń eń kóp taralǵany osy óńirde. Biz eń kóp qylmystyq isterdi Almatyda tirkeımiz. 2022 jáne 2023 jyldardy alsaq, bul jerde 12 qarjy pıramıdasyn anyqtadyq. Tıisinshe, bul aımaqta zardap shekkenderdiń sany óte kóp: 20 myńnan astam adam", dedi Ómirserik Tájmaǵanbetov.
Onyń aıtýynsha, qarjy pıramıdalary men qurbandar sany boıynsha Astana men Qaraǵandy oblysy odan keıingi orynda.
"Bular da - jeti qarjy pıramıdasy anyqtalǵan iri aımaqtar. Aqtóbe oblysy - tórt qarjy pıramıdasy, odan ári kemý retimen - Shymkent, Qostanaı oblysy - úsh qarjy pıramıdasy. Qalǵan aımaqtarda - eki nemese bir qarjy pıramıdasy bar", dedi Ómirserik Tájmaǵanbetov.