Bul týraly Ońtústik Koreıa pablıkteri men áleýmettik jelilerden belgili boldy, dep habarlaıdy Almaty-akshamy.kz Egemen.kz-ke silteme jasap.
Korea Komek málimetinshe, qazaqstandyqtar Túrkistan oblysynda týǵan.
«2002 jáne 2005 jyly týǵan eki jigit 25 naýryzda Ózbekstannan Korea Air áýekompanıasynyń ushaǵymen Koreıaǵa kelgen. Qujattarynyń durys bolmaýyna baılanysty keden qyzmetkeri olardy elge kirgizbeı, deportasıany kútý zalyna jibergen. Olar deportasıa reısin kútý kezinde, 26 naýryzda tańǵy saǵat 4:20 shamasynda áýejaıdyń ushý-qoný jolaǵy janyndaǵy úsh metrlik qorshaýdan asyp, qashyp ketken», - delingen habarlamada.
Ekeýi de kinálaryn moıyndap, týǵan jerinde otbasyn asyraý úshin jumysqa ushyp kelgenderin aıtqan. Ońtústik Koreıa polısıasy olardy shekarany zańsyz kesip ótip, qashyp ketti dep aıyptady. Qazir eki azamat qamaýda otyr.
Qordyń qoldaýymen bir qazaqstandyq jaqynda elge qaıtarylady.
Koreıa bıliginen 3 kún boıy jasyrynyp, aqyry ustalǵan ekinshi qazaqstandyq aldaǵy 3 aıdy jergilikti túrmede ótkizedi. Koreıa zańy boıynsha, Qazaqstan azamaty 15 jylǵa sottalýy múmkin, biraq onyń óz erkimen berilýi jaýapkershilikti jeńildetetin jaǵdaı retinde eskeriledi.