Qatysýshylardyń jas sanaty 6 jastan 60 jasqa deıin.
«ALPHA ACADEMY» dırektory Baqnýr Zıabekov erikti oqytýshylardyń til úırenýdi nasıhattaýǵa óz úlesterin qosqysy keletinin atap ótti, dep habarlaıdy aqshamnews.kz
«Biz «ALPHA ACADEMY» oqýshylarymen jáne Almaty jastarymen 2016 jyldan bastap tilderdi úırený boıynsha jazǵy kýrstardy ashyq aspan astynda tegin ótkizemiz. Sabaqtardy kim ótkizedi? Sabaqtardy aǵylshyn tilinde IELTS 7.0-7.5 bar «ALPHA ACADEMY» oqýshylary júrgizedi. Sonymen qatar, olar koreı, fransýz, ıtalán jáne basqa tilderdi úıretedi. Bul bizdiń oqýshylarymyz emes, olar shetelde oqıtyn stýdentter. Olar jazda Qazaqstanda ýaqytty bosqa ótkizbeýge, Almaty turǵyndary úshin tilderdi úırete otyryp, paıdaly bolýǵa tyrysady», - dedi Baqnur Zıabekov.
Qatysýshylardyń jas sanaty 6 jastan 60 jasqa deıin. Ol almatylyqtardy shet tilderin belsendi úırenýge shaqyrdy.
Jastar saıasatyn damytý memlekettik qory dırektorynyń mindetin atqarýshy Baǵdat Anarbaeva bul áleýmettik joba ekenin atap ótti.
«Tilder saıabaǵynyń taǵy bir maýsymy bastalady. Búginnen bastap qalamyzdyń segiz iri saıabaǵynda tilderdi oqytý boıynsha tegin kýrstar bastalady. Bizdiń qala óte úlken jáne kóptegen turǵyndar, sonyń ishinde jastar bar. Oqytýdy barlyǵyna yńǵaıly etý úshin biz qalanyń ár aýdanynda kýrstar uıymdastyrdyq. Ár aýdanda ártúrli tilder boıynsha kýrstar ótedi», - dedi ol.
Sonymen qatar, kún saıyn saǵat 16.00-den 20.00-ge deıin keste boıynsha tańdalǵan til boıynsha kýrsqa qatysyp, tegin bilim alýǵa bolady. Sondaı-aq «ALPHA ACADEMY» -sy ázirlegen QR kody arqyly qol jetimdi tegin qoldanba bar.
Tilder boıynsha kýrstardyń kestesi @jas.almaty paraqshasynda jarıalanady.
Almaty qalasy máslıhatynyń turaqty komısıasynyń tóraıymy Ásıa Aqanova sabaqtardyń taza aýada ótetinin atap ótti.
«Tilder saıabaǵynyń» negizgi maqsaty - jastarǵa tilderdi úıretý. Búgin bizde osyndaı aýqymdy ashylý, aldaǵy ýaqytta bizdiń jastarymyzǵa yńǵaıly bolýy úshin qalanyń 8 aýdanyndaǵy 8 iri saıabaqta ashylady. 6 jastan 60 jasqa deıingi barlyq adamdar qatysa alady. Sabaqtar máslıhattyń qoldaýymen qala ákimdiginiń jastar saıasaty basqarmasynyń bastamasymen uıymdastyrylǵanyn atap ótkim keldi. Sońynda qatysýshylarǵa sertıfıkattar beriledi. Qazir 8 kýrs boıynsha onyń ishinde: japon, túrik, aǵylshyn, tıisinshe qazaq, jalpy sany 15 til boıynsha bilim alýda», - deıdi ol.
Oqý aıaqtalǵannan keıin barlyq belsendi qatysýshylarǵa sertıfıkattar beriledi.