Soltústik Qazaqstan oblysynyń polısıasyna Almaty qalasynda turatyn áıel habarlasyp, qart ata-anasyn izdeýge kómektesýdi suraǵan.
SQO-da turatyn ata-anasy onyń qońyraýlaryna bir táýlik boıy jaýap bermegen. Olar jıdek pen sańyraýqulaq terý úshin ormanǵa ketýi múmkin degen oı kelgen. Týystarǵa habarlasýdan da eshteńe shyqpaǵan. SQO PD krımınaldyq polısıa basqarmasynyń jedel ýákilderi erli-zaıyptylar mingen avtokóliktiń Qyzyljar aýdanynyń Iakor aýyly baǵytynda ketkenin anyqtady, dep habarlaıdy aqshamnews.kz Polisia.kz-ke silteme jasap.
İzdeý jumystaryna aýdandyq, qalalyq jedel ýákilder, ýchaskelik polısıa ınspektorlary men eriktiler de qosyldy. Qýanyshqa oraı, Sokolovka aýylynda ata-anasynyń tanystary turatyn bolyp shyqty. Olar almatylyq áıeldiń ata-anasy Reseıdiń kórshi Ishım qalasyna ketkenin aıtty. Buny shekara qyzmetiniń qyzmetkerleri rastady. Bul týraly birden qyzdaryna habarlandy. Ol qýanyshtan polıseılerge alǵysyn jaýdyrdy.