Qala turǵyndary memlekettik Ánurandy Abaı alńynda tyńdaı alady
4 maýsymda Qazaqstanda Memlekettik rámizder kúni atap ótiledi. Bul kúni Almaty ákimdiginiń bastamasymen saǵat 10.00-de memlekettik Ánurandy qosý jáne oryndaý úshin fleshmob ótedi, dep habarlaıdy Almaty-akshamy.kz.
Megapolıs turǵyndary men qonaqtaryn osy aksıaǵa qosylyp, Ánuran shyrqalǵan kezde barlyq tártip erejelerin saqtaı otyryp, memlekettik Ánurandy oryndaýǵa shaqyrady.
Qala turǵyndary memlekettik Ánurandy Abaı alńynda (Respýblıka Saraıy aldynda) tyńdaı alady.
Aksıanyń maqsaty — azamattyq pen patrıottyqqa, óz Otany — Qazaqstan Respýblıkasyna degen súıispenshilikke tárbıeleý, eldiń memlekettik rámizderine degen qurmetti qalyptastyrý, sondaı-aq olardyń máni men mańyzyn túsindirý.
Eske salsaq, Memlekettik Ánurandy kópshilik aldynda oryndaý kezinde jınalǵandar turyp án aıtady (tyńdaıdy), al Qazaqstan Respýblıkasynyń azamattary oń qolyn júrek tusyna qoıady. Memlekettik Ánuran mátini men mýzykalyq basylymǵa sáıkes memlekettik tilde oryndalady.