Alǵashqy kredıttik búro sarapshylarynyń esebine sáıkes, bıylǵy jyldyń ekinshi toqsanynda Almaty turǵyndarynyń demalys pen oıyn-saýyqqa jumsaǵan ortasha shyǵyndary jan basyna shaqqanda 8,6 myń teńgeni qurady. Bul respýblıka boıynsha ortasha kórsetkishten 2,4 ese joǵary.
«Karaǵandy oblysy turǵyndarynyń shyǵyndary da osyǵan jaqyn. Astanalyqtarmen salystyrǵanda, almatylyqtar 25%-ǵa artyq jumsaǵan – elorda turǵyndarynyń demalysqa ortasha shyǵyny 7 myń teńge. Eń az shyǵyn Abaı oblysynda tirkeldi – jan basyna shaqqanda bar bolǵany 916 teńge», – dep málimdedi sarapshylar.
Sonymen qatar, almatylyqtar densaýlyqqa da kóp qarajat jumsaıdy. Sáýir-maýsym aılarynda densaýlyq saqtaý qyzmetterine jan basyna shaqqanda 8,1 myń teńge bólingen, bul da respýblıka boıynsha ortasha kórsetkishten eki ese kóp.
Almatylyqtardan keıin Shyǵys Qazaqstan jáne Astana turǵyndary keledi – olar medısınaǵa 5,5 myń teńge jumsaıdy. Eń az shyǵyn Shymkentte – jan basyna shaqqanda nebári 1,7 myń teńge