Qala turǵyndarynyń COVID-19-dy jıi juqtyratyn oryndary ataldy
Almatyda ótken táýlikte 55 adam koronavırýs dertin juqtyrǵan, ınfeksıalyq stasıonarlarda 225 pasıent bar. Bul málimetterdi qalanyń bas sanıtarlyq dárigeri Jandarbek Bekshın keltirdi, dep habarlaıdy Almaty-akshamy.kz
Sondaı-aq, ol almatylyqtardyń dertti jıi juqtyratyn jerlerin atap ótti. Aýrý juqtyrǵandardyń 90%-y saýda obektilerinde (37,3%), qoǵamdyq kólikte – 22,2%, otbasylarda – 19,3%, bazarlarda – 11,2%.
Qalanyń bas sanıtarlyq dárigeri megapolıstiń barlyq turǵyndary sanıtarlyq normalar men karantın talaptaryn elemeı, qaýipsizdik sharalaryn tıisti deńgeıde saqtamaıtynyn atap ótti.
«Qaladaǵy epıdemıologıalyq ahýaldyń turaqtanýyna qaramastan, men barlyǵyn, ásirese, egde jastaǵy azamattardy koronavırýstyń kez kelgen shtamynan qorǵaýdy qamtamasyz etý úshin taǵy da vaksınalanýǵa shaqyramyn», - dedi Almaty qalasynyń bas sanıtarlyq dárigeri.
Spıker qaladaǵy barlyq vaksınalar tıimdi, tipti vaksınalanǵan adam aýyryp qalsa da, qalyptasqan ımýndyq qorǵanys aýrýdyń jeńil ótýin qamtamasyz etedi jáne adamn ólimine jol bermeıdi dep qosty.