200-ge jýyq ótinim kelip tústi, onyń ishinde 1700 kóshet alýǵa 133 ótinim maquldandy.
Almaty qalasynyń ekologıa jáne qorshaǵan ortany qorǵaý basqarmasy «Jasyl aýla» dástúrli aksıasyn qorytyndylady, dep habarlaıdy Almaty-akshamy.kz
Almatylyqtardan barlyǵy 200-ge jýyq ótinim kelip tústi, onyń ishinde 1700 kóshet alýǵa 133 ótinim maquldandy.
Bostandyq, Naýryzbaı jáne Alataý aýdanynyń turǵyndary asa belsendilik tanytty. Ekologıa jáne qorshaǵan orta basqarmasynyń mamandary ótinishter boıynsha kóshetterdi taratý jumystaryna kirisip ketti.
Eske salsaq, buǵan deıin Almatyda qala turǵyndaryna kóshet taratý boıynsha «Jasyl aýla» aksıasynyń bastalǵany týraly habarlanǵan bolatyn. Qalada kópqabatty úıler aýlasy men qoǵamdyq keńistikterdi kógaldandyrýǵa nıetti almatylyqtarǵa shaǵan, úıeńki, shegirshin, terek, qaraǵan men qaıyńnyń kóshetterin tegin alýǵa múmkindik berildi.
Aǵash otyrǵyzý jumystaryn 2022 jyldyń 27 qazannan bastap júrgiziledi Kóshetterdi taratý 3 qarashaǵa deıin kelesi mekenjaı boıynsha júzege asyrylady: Almaty q., Alataý aýdany, Uljan-2 shaǵyn aýdany, Bertaıyzy k-si, 24.
Kóshetterdi otyrǵyzǵannan soń olardyń fotoesepterin jiberý qajet.
