Almatylyqtar gýmanıtarlyq kómek jınap jatyr.
Volonterlerdiń front-ofısinde qajetti zattar men ónimderdi qabyldaý jumystary bastaldy, dep habarlaıdy Almaty-akshamy.kz.
24.kz arnasynyń taratqan aqparatyna júginsek, ázirge zardap shekkenderge jáne qutqarý qyzmetiniń jumysshylary men jergilikti turǵyndarǵa azyq-túlik pen gıgıena quraldary, kórpe, jastyq, tynys alý maskalary sekildi eń qajetti zattar kelip jatyr.
Bul bastamaǵa «Qazaqstan Eriktiler lıgasy», «Medısına jastary» sekildi volonterler uıymy uıytqy bolyp otyr. Qajetti zattardy qabyldaý jumystary bir apta júrgiziledi. Eger odan keıin de kómek kórsetem deýshiler bolsa jumysty jalǵastyra beremiz,-deıdi eriktiler.
«Bul kómek Abaı oblysyndaǵy zardap shekken halyqqa arnalǵan. Gıgıenalyq quraldardy, qurǵaq tamaqtardy jáne balalarǵa arnalǵan gıgıenalyq quraldardy, onymen bólek adamdarǵa turýǵa arnalǵan palatkalardy, jatyn meshoktardy jınap jatyrmyz», - deıdi voloner Zere Maqsuthan.