Naýryz aıynda Almatyda joldardaǵy kólik sanynyń kóbeıýi baıqalýda, ásirese 17:00 men 18:00 aralyǵynda. Sarapshylar bul jaǵdaıdy Ramazan aıymen baılanystyrady dep boljam jasalýda, dep habarlaıdy aqshamnews.kz
Sergek ITS júıesi Almatydaǵy jol qozǵalysyn zerttep, Ramazan aıynyń bastalýymen kólik tyǵynynyń artqanyn jáne keshki qarbalas ýaqytta ózgeristerdi baıqaldy. Bul zertteý ótken aımen salystyrǵanda joldardyń júktemesiniń joǵarylaǵanyn kórsetti.
«Naýryzdyń basynda Almaty joldaryndaǵy júkteme 8% ósti. Al 16:00 men 17:00 aralyǵynda qozǵalys qarqyny 5% tómendese, 17:00 men 18:00 arasynda kólik sany 4% artty. Bul keshki trafıktiń birshama ózgergenin kórsetedi. Bul ózgeris Ramazan aıynyń bastalýymen baılanysty bolýy múmkin — adamdar aýyzasharǵa ýaqytynda jetý úshin jolǵa erterek shyǵa bastaıdy», — dep málimdedi mamandar.
Sarapshylardyń pikirinshe, bul ózgeristerdiń negizgi sebebi — Ramazan aıynyń bastalýy. Júrgizýshiler keshki ýaqytta jol qozǵalysynyń ózgeristerin eskerip, marshrýttaryn aldyn ala josparlap, aýyzashar ýaqytyna keshikpeýge tyrysýy kerek.