Demalys kúni kasalarda kezektiń bolmaýy da baǵanyń áserinen bolsa kerek.
Almatyda ata-analar atraksıon baǵasynyń qymbattaǵanyna shaǵymdanyp jatyr, - dep habarlaıdy Almaty-akshamy.kz inalmaty.kz saıtyna silteme jasap.
Eń arzan atraksıon – "Slalom"-nyń jarty mınýttyq qyzyǵy úshin 400 teńge tóleý kerek. Basqa atraksıondar 680 teńgeden 990 teńgege deıin. Árıne, kezek bolmaǵandyqtan ýaqyt tezirek ótedi, saıabaqta bar bolǵany bir saǵatta ata-analar 7-10 myń teńge aralyǵynda aqsha jumsaıdy. Bul, ásirese, kópbalaly otbasylarǵa qıyn.
"Bizdiń jalǵyz qyzymyz bar, sonyń ózinde saıabaqqa jıi barmaımyz. Bala kezimde ata-anammen birge talaı atraksıonǵa mingenim esimde. Qazir ata-analardyń kópshiligi tek qarap turýǵa barady. Árıne, Almatyda aýqatty januıalar kóp, biraq basqa balalar da ózderin kem sezinbeýi kerek. Atraksıondar óte qymbat, biraq saıabaq ta shyǵynyn jappasa, jumys isteı almaıdy. Shyǵynnyń jartysyn qala ákimdigi óz moınyna alyp, kishkentaı almatylyqtar men qala qonaqtary saıabaqqa bara alsa, jaqsy bolar edi!", - deıdi ońtústik astananyń turǵyny Aqmaral Bekeeva.
Kishkentaılarǵa arnalǵan alańda 10 mınýt oınaýǵa 700 teńge tóleısiz. Saıabaq arqyly balalar kóligimen júrýdiń baǵasy 1000 teńge.