Qasym-Jomart Toqaev Shavkat Mırzıóevti Ózbekstan Respýblıkasynyń Prezıdenti saılaýyndaǵy senimdi jeńisimen quttyqtady, dep habarlaıdy Almaty-akshamy.kz.
Memleket basshysy daýys berý qorytyndysy eldi ornyqty damytýǵa, onyń turaqtylyǵy men órkendeýin qamtamasyz etýge baǵyttalǵan Ózbekstan Prezıdenti ustanymynyń jalpyhalyqtyq qoldaýǵa ıe bolǵanyn aıqyn kórsetedi dep atap ótti. Áńgimelesý barysynda Prezıdent qazaq-ózbek qatynastaryn strategıalyq seriktestik pen odaqtastyq rýhynda odan ári nyǵaıtýǵa nıetti ekenin rastady.
Memleketter basshylary buǵan deıin joǵary deńgeıde qol jetkizilgen ýaǵdalastyqtardy naqty júzege asyrý máseleleri jóninde pikir almasty jáne aldaǵy ekijaqty is-sharalar kestesin qarastyrdy.