Jastar saıasaty basqarmasynyń qoldaýymen júzege asyrylady.
Balalar úıiniń joǵary synyp oqýshylarynyń bolashaq mamandyǵyn jáne oqý ornyn tańdaýyna kómektesý úshin Almatyda «Bolashaq» jobasy jumys isteıdi. ÓKQ alańynda brıfıńke qatysqan «QAMQOR CHARITY» qoǵamdyq qorynyń tóraıymy, Almaty qalasy ákimi janyndaǵy jastar keńesiniń múshesi Baǵdat Anarbaeva óz jumysyna toqtaldy, dep habarlaıdy Almaty-akshamy.kz.
«Almaty qalasynyń eriktileri «Bolashaq» jobasy aıasynda ata-anasynyń qamqorlyǵynsyz qalǵan jasóspirimder men qıyn ómirlik jaǵdaıda qalǵan jastardy áleýmettendirýge kómektesý boıynsha keshendi sharalardy júzege asyrýda. Atap aıtqanda, eriktiler qaladaǵy balalar úıleri men áleýmettik ortalyqtarda kásiptik baǵdar berý, quqyqtyq saýattylyqqa qysqa merzimdi oqytý, bos ýaqytty uıymdastyrý, yntalandyrý kezdesýleri, mádenı is-sharalar, taǵylymdamalar jáne t.b. ótkizedi», - dedi Baǵdat Anarbaeva.
Osy joba aıasynda eriktiler jetim balalarǵa arnalǵan «Januıa» mamandandyrylǵan kesheninde, №1 oblystyq balalar úıinde, SOS balalar aýylynda, Almaty qalasyndaǵy «Jastar úıi» áleýmettik mekemeler túlekterine arnalǵan beıimdeý jáne qoldaý ortalyǵynda jumys jasaýda. Barlyǵy 12 men 29 jas aralyǵyndaǵy 100-den astam balalar men jasóspirimder qamtyldy.
Búgingi kúni eriktiler at sporty klýbyna, sırkke tegin saıahattar, qala boıynsha ekskýrsıalar, profılaktıkalyq stomatologıalyq tekserýler, kınofılmder kórsetý jáne basqa da tanymdyq jáne mádenı sharalardy uıymdastyrdy. Sondaı-aq volonterlar balalar men jastardyń kýmırlerimen 23 motıvasıalyq kezdesý uıymdastyrdy. Volonterler balalarǵa arnalǵan 30-dan astam tegin úıirmeler men seksıalardy ashýdy, qazirgi mamandyqtar boıynsha qysqa merzimdi kýrstardy oqytýdy josparlap otyr.
Osy joba aıasynda aldaǵy ýaqytta joǵary oqý oryndaryna/orta bilim berý mekemelerine túsýge kómektesý jáne ata-anasynyń qamqorlyǵynsyz qalǵan jastar men jasóspirimderdi jumysqa ornalastyrý boıynsha jumystar josparlanýda.
Bul joba aıasyndaǵy barlyq is-sharalar demeýshiler men Almaty qalasy Jastar saıasaty basqarmasynyń qoldaýymen júzege asyrylady.