Al elimiz boıynsha atalmysh oqý orny kósh bastap tur.
Álemniń eń úzdik oqý oryndary veb-saıttarynyń halyqaralyq reıtıńi – Webometrics Ranking of World Universities-2023 reıtıńi jarıalandy, dep habarlaıdy Almaty-akshamy.kz.
Webometrics reıtıńi ýnıversıtet veb-saıtynyń ózektiligin jáne zertteýshi ǵalymdarynyń Scopus jáne Google Scholar ǵylymı-metrıkalyq júıelerindegi jarıalanymdaryn eskeretin biriktirilgen kórsetkishke negizdelgen jahandyq reıtıń.
Álemdik reıtıńke Qazaqstan Respýblıkasynyń 129 ýnıversıteti qatysty. Abaı ýnıversıteti álemdik ýnıversıtetter arasynda reıtıńte 1240 orynǵa kóterilip, 3628 oryndy alady. Webometrics jańa derekterine sáıkes Abaı ýnıversıteti 5-shi oryndy ıelenip (2022 jyly shilde – 7-oryn), elimizdiń TOP-5 úzdik ýnıversıtetteriniń qataryna endi. Pedagogıkalyq bilimniń flagmany – Abaı atyndaǵy QazUPÝ jaqsy nátıje kórsetip, Qazaqstan Respýblıkasynyń salalyq joǵary oqý oryndary arasynda 1-shi oryndy ıelendi.
Webometrics ǵylymı jarıalanymdardy qosa alǵanda, ınternet keńistiginde ýnıversıtetterdiń bolýyn taldaıdy, ýnıversıtet veb-saıttarynyń mazmuny men tanymaldylyǵyn baǵalaıdy. Cybermetrics Lab ádistemesine sáıkes ýnıversıtetterdi saralaý algorıtmi úsh kórsetkishke negizdelgen: Impact, Openness, Excellence. Impact kórsetkishiniń derekteri boıynsha Abaı ýnıversıteti qazaqstandyq joǵary oqý oryndary arasynda 2-shi orynda. Abaı atyndaǵy QazUPÝ saıty ulttyq jáne halyqaralyq reıtıńterde de joǵary oryndarǵa ıe.
Abaı atyndaǵy QazUPÝ-dyń jyl saıynǵy jetistikteri onyń álemdik joǵary bilim berý júıesindegi turaqty ornyn taǵy bir ret rastaıdy. Halyqaralyq reıtıńterge qatysý ýnıversıtetti álemdik ǵylymı keńistikte ornalastyrýǵa, halyqaralyq bilim berý ortasyna kirýge, bilim berý jáne ǵylymı-zertteý prosesterin halyqaralyq erejeler men standarttarmen úılestirýge, bilim berý qyzmetteriniń sapasyn arttyrýǵa, ósýdiń jańa joldaryn tabýǵa múmkindik beredi.