Almatylyq Ásel Sabyrjanqyzy - qaryndashpen sýret salýdyń has sheberi.
Ol bir ýaqytta alty adamnyń keskin-kelbetin sala alady. Ásel tanymal azamattar men tarıhı tulǵalardy, bir ýaqytta qaǵaz betine túsirip, kóptiń kózine túsip júr, dep habarlaıdy Almaty-akshamy.kz 24.kz-ke silteme jasap.
Jas sýretshi Ásel Sabyrjanqyzy áleýmettik jelide Assol esimimen tanymal. Onyń tańǵajaıyp talanty 12 jasynda-aq baıqala bastapty. Kórkemsýret sheberi óner koleji men ýnıversıtetin támamdaǵan. Ásel tapsyryspen sýret salyp, tabys tabady eken. Sýretshiniń súıikti janry – portret.
«Meni adamdar shabyttandyrady. Tarıhı tulǵalar jáne batyr babalarymyzdyń portretin salýǵa tyrysamyn. Sonymen qatar, zamanaýı sýretti de salamyn. Búgingi kúnniń tanymal azamattaryn zamandas sýretshileri keskindeýi kerek», - deıdi sýretshi Ásel Sabyrjanqyzy.
Ásel 5 jyldan beri gıperrealızm janrynda sheberligin shyńdap keledi. Sebebi foto sıaqty qanyq sýretterge degen suranys joǵary eken. Únemi sheberligin shyńdaýǵa qumar qyz jaqynda jańa deńgeıge jetken. Endi ol alty qaryndashpen bir ýaqytta alty adamnyń portretin sala alady.
«Men ár sýretke 2 sekýnd shamasynda ýaqyt bólemin. Iaǵnı, ár sýretke 2 sekýndtan nazar aýdaryp otyramyn. Sonymen kezek-kezegimen sala beremin. Odan keıin aıaqpen sýret salý bastalady. Birinshi sol aıaq, odan keıin oń aıaqpen jumys jasaımyn. Alty sýret osylaısha salynady», - deıdi sýretshi.
Ásel óziniń shyǵarmashylyq jumystaryn áleýmettik jelide jarıalap otyrady. Jas sýretshiniń endigi maqsaty - sheberligin shyńdap fotodan aıyrmashylyǵy múldem az sýretter salý.