Stýdent áskerı maqsatta qoldanýǵa bolatyn robot drondardy jasaıdy.
4-kýrs stýdenti Beksultan Áıten birer jyl buryn kýrerlerdiń qyzmetin almastyratyn dron oılap tapqan. Bul drondar tapsyrys berýshige býrger, pıssa syndy fast-fýdty tez arada jetkize alady, dep habarlaıdy Almaty-akshamy.kz Elorda.info.cilteme jasap.
Bul qurylǵy kásipkerlerdiń qyzyǵýshylyǵyn týdyrǵan.
«Men qurastyrǵan tasymaldaýshy drondar tek tamaq qana emes, júkterdi de qajetti jerge jetkize alady. Biraq qazirgi ýaqytta bul dronǵa tamaq, ıaǵnı fast-fýd jetkizetin kásipkerler qyzyǵyp jatyr. Mysaly, tamaq tasıtyn kýrer kúnine 10-15 tapsyrys oryndap, 200-300 myń aılyq alsa, bul drondar da týra solaı tapsyrysty oryndap, kóp qarajatty únemdeı alady», - dedi stýdent.
Beksultan Áıtende qazir alty túrli dronnyń prototıpi bar.
«Jobalarymdy áleýmettik jelige salyp, tapsyrys qabyldaımyn. Drondardy satyp, aıyna 1 mln teńgege jýyq aqsha tabamyn. Bir aıda 3-4 jobaǵa tapsyrys qabyldaımyn», - dedi ol.
Sondaı-aq ol aldaǵy josparlarymen de yqylastana bólisti.
«Áskerı maqsatta qoldanýǵa bolatyn robot drondardy jasaý nıetim bar. Bul adam shyǵynyn azaıtýǵa kómektesedi. Drondardyń tek tamaq pen áskerı baǵytta emes, medısına salasynda paıdasy kóp bolaryna senemin. Men bolashaqta adam tasıtyn dron qurap shyǵarǵym keledi», - dedi stýdent.