Almaty qalalyq qoǵamdyq densaýlyq basqarmasynyń №4 qalalyq emhanasynyń reabılıtology Aıgúl Soltanbek mundaı aýyr ınfeksıaǵa tap bolǵan naýqastardyń emosıonaldy qıyndyqtarǵa da ushyraýy múmkin ekenin aıtty, dep habarlaıdy almaty-akshamy.kz
Aıgúl Soltanbektiń aıtýynsha, aýrýdyń aldyn alý óte mańyzdy jáne bul úshin maska rejımin saqtaý qajet. Azamattar halyq kóp jınalatyn jerlerde maska kıip, olardy durys kıýdi ádetke aınaldyrýy qajet.
«Bul sharanyń beker jáne densaýlyqqa zıandy ekenine senip, resmı túrde betperde kıetin adamdar bar. Sonymen qatar, kóptegen adamdar murynnyń aǵýy, tamaq aýrýy jáne sýyqtyń basqa da jeńil belgileriniń paıda bolýyn asa mańyzdy emes dep sanaıdy jáne olardy emdeýge eshqandaı shara qoldanbaıdy, olar ınfeksıany aıaǵymen alyp júredi. Osyǵan baılanysty, men maska taǵý – bul qosymsha tıimdi shara ekenin túsindirgim keledi, ol áleýmettik qashyqtyqty saqtaý, qoldy sabynmen jýý jáne antıseptık qoldaný sıaqty basqa sharalarmen birge koronavırýstyq ınfeksıanyń aldyn alýǵa kómektesedi», - dedi dáriger-reabılıtolog.
Koronavırýstyq ınfeksıadan saýyǵý týraly aıta otyryp, Aıgúl Soltanbek aýrýǵa shaldyqqandardyń barlyǵynyń ońaltýdan ótýleri tıis ekenin aıtty. Tipti, dert jeńil ótse de.
«Jalpy alǵanda, ár naýqas saýyǵyp ketýi múmkin, bul úkim emes. Biz koronavırýstyń ókpe men júrek-qan tamyr júıesine áser etetinin jıi baıqaımyz. Sondyqtan ońaltý emdelý kezeńinde bastalady jáne shyǵarylǵannan keıin jalǵasady – emhanada nemese úıde. Ońaltýdyń qarsy kórsetilimderi bar, sondyqtan ár naýqas úshin naqty sharalardy emdeýshi dáriger anyqtaıdy. Siz aýyr naýqastan keıin de saýyǵyp kete alasyz», - dedi dáriger.
Aıgúl Soltanbek naýqastadyń ókpesi 10% ǵana zaqymdalǵanymen, derttiń aýyr bolýy múmkin ekenin atap ótti.
«Dárigerler ókpeniń zaqymdaný dárejesine emes, aǵzanyń rezervine nazar aýdarady. Biz ókpeniń ǵana emes, basqa músheler men júıelerdiń zaqymdalýyn da emdeımiz», - dep tolyqtyrdy reabılıtolog.
Aıgúl Soltanbek kóbinese koronavırýstyq ınfeksıadan keıin naýqastarda pnevmoskleroz men ókpe fıbrozy qaýpi joǵary bolatynyn atap ótti.
«Bizdiń emhana emdelýdiń úshinshi kezeńimen aınalysady, bul ókpeniń qalpyna kelý kezeńi. Saý kúıde olar serpindi jáne dem alatyn bolýy kerek, al fıbroz kezinde tyrtyqtar paıda bolady, sondyqtan reabılıtolog dárigerler jeke em taǵaıyndaıdy», - dep jalǵastyrdy sózin Aıgúl Soltanbek.
Ókpeniń jumysyn jaqsartý jáne qandaǵy otteginiń qanyqtylyǵyn kóterý úshin emhanada tynys alý keshenderi men deneshynyqtyrýdyń arnaıy baǵdarlamalary jasaldy.
Reabılıtolog dáriger Almaty turǵyndaryn vaksınalaýǵa shaqyrdy, óıtkeni vaksınasıadan keıin, tipti KVI-men aýyrǵannan keıin de adam aýrýdy jeńe alady. Kóp jaǵdaıda vaksınalanǵan naýqastar aýrýhanaǵa jatqyzýdy qajet etpeıdi.
«Vaksınalanǵan aadamnyń aýrýy áldeqaıda jeńil. Mundaı naýqastardyń ımýndyq júıesi jumylýǵa qabiletti jáne tezirek saýyǵýǵa yqpal etedi. Vaksınalar ımýnıtetti tómendetpeıtinin, kerisinshe, ony kóteretinin bilgen jón. V tobyndaǵy vıtamınder men amınqyshqyldar da deneni qalpyna keltirýge kómektesedi», - dedi Aıgúl Soltanbek.
Sóziniń sońynda dáriger barlyq almatylyqtardy ózderin jáne aınalasyndaǵylardy COVID-19-dan qorǵaý úshin vaksınalanýǵa shaqyrdy.
Almatynyń qoǵamdyq densaýlyq basqarmasynyń málimeti boıynsha, 2021 jyldyń 1 aqpanynan 21 qyrkúıegingi aralyǵynda 933 678 adam birinshi komponentpen, 827 239 adam ekinshi komponentpen egildi. Egilgenderdiń jalpy sanynan 60 jastan asqandar 117 036 adam.