Qazaqstan Respýblıkasy Tótenshe jaǵdaılar mınıstrliginiń 30 jyldyǵyna oraı jáne turǵyndar arasynda qutqarýshylardyń ımıjin arttyrý maqsatynda Almaty qalasy TJ departamenti teńiz deńgeıinen 3200 metr bıiktikte ornalasqan «Shymbulaq» taý shańǵysy kesheninen shańǵymen jáne snoýbordpen túsý biregeı kúsh synaǵy uıymdastyryldy.
Chellendjdiń basty ereksheligi Almatynyń úsh órt sóndirý bóliminiń qutqarýshylary salmaǵy 30 kg-nan asatyn tolyq jaýyngerlik ekıpırovkamen kúrdeli túsýdi eńserdi, dep habarlaıdy aqshamnews.kz.
Bul synaq chellendji qatysýshylardyń dene shynyqtyrý synaǵy ǵana emes, olardyń tózimdiliginiń, aqyl-oıynyń jáne kásibıliginiń tamasha úlgisi de boldy. Qutqarýshylar taýda, sýda jáne qurlyqta oryn alǵan kez kelgen tótenshe jaǵdaılar kezinde adamdardyń ómirin qutqarýǵa daıyn ekenin kórsetti.
Sonymen qatar, buǵan deıin qutqarýshylar 842 satydan turatyn «Medeý» bıik taýly keshenine baspaldaqpen kóterilip, biregeı synaq ótkizgenin atap ótken jón.
Bul oqıǵa kez kelgen tótenshe jaǵdaılarda Qazaqstan qutqarýshylarynyń daıyndyǵy men kásibıliginiń joǵary deńgeıin taǵy bir márte kórsetedi.
