23 jasar qorǵaýshy Sultanbek Astanov «Qaırat» fýtbol klýbynan ketti.
«Qaırat» FK baspasóz qyzmeti málim etkendeı, Sultanbek Astanov fýtboldaǵy mansabyn endi «Ordabasy» klýbynda jalǵastyrady, dep habarlaıdy Almaty-akshamy.kz QazAqparatqa silteme jasap.
«Astanov «Qaırat» akademıasyna 2016 jyly túsken bolatyn. Kelesi jyly ol Ekinshi lıgada debút jasap, 2018 jyly Birinshi lıgada «Qaırat A» sapynda oınady. 2019 jyly negizgi quramnyń oıynshysy atandy», - dep habarlady klýbtyń baspasóz qyzmeti.
Aıta keteıik, qorǵaýshy Sultanbek Astanov «sary-qaralar» sapynda 62 kezdesý ótkizip, 3 gol soǵyp, 6 nátıjeli pas berdi. «Qaırat» fýtbol klýby Sultanbekke jaqsy oıyny úshin alǵys aıtyp, mansabynda tabysqa jetýine tilektestigin bildirdi.
Eske salsaq, Almatyda 14 naýryz kúni «Qaırat» jáne «Kaspıı» fýtbol klýbtary arasyndaǵy machtan keıin jankúıerler jappaı tóbeles shyǵarǵan bolatyn. Ol kúni almatylyq «Qaırat» fýtbol klýby «Kaspıı» komandasyn 3:1 esebimen jeńgen edi.