Kúdikti reinde 1999 jyly týǵan Sh.esimdi azamat ustaldy.
Almaty polısıasy urlanǵan jol talǵamaıtyn kólikti tapty, – dep habarlaıdy Almaty-akshamy.kz Polisia.kz-ke silteme jasap.
Avtokólikti nemese ózge de kólik quralyn zańsyz ıemdený – dál osy bap boıynsha Almaty qalasy Jetisý aýdanynyń polısıasy qylmystyq isti tergep jatyr.
«Omskaıa kóshesinde HAVAL kóligi urlandy. Jábirlenýshiniń aıtýynsha, ol kólikti kóshede qaldyrǵan. Belgisiz bireý kóliktiń esigin ashyp, oqıǵa ornynan boı tasalaǵan. Osy qylmysty jasady degen kúdikpen Almaty oblysynyń turǵyny, 1999 jyly týǵan Sh.esimdi azamat ustaldy. Atalǵan derek boıynsha QR QK-niń 200-babyna sáıkes qylmystyq is tirkeldi. Ustalǵan azamattyń osyǵan uqsas basqa da epızodtardy jasaýǵa qatysy bar-joǵy anyqtalyp jatyr», – dedi Jetisý aýdandyq polısıa basqarmasynyń bastyǵy Jánibek Shynasylov.
QR QK-niń 201-babyna sáıkes ózge aqparat tergeý múddesine oraı jarıa etilmeıdi. QR Konstıtýsıasynyń 77-baby 3-bólimi 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.