Bul árekettiń mán-jaıy anyqtalyp jatyr.
Almatynyń patrúldik polıseıleri óz-ózine qol jumsamaq bolǵan azamatty qutqaryp qaldy, dep habarlaıdy Almaty-akshamy.kz Polisia.kz-ke silteme jasap.
Túnde “102” púltine habarlama kelip tústi. Bostandyq aýdanynyń qobaljyǵan turǵyny kúıeýiniń mas kúıinde óz-ózine qol jumsamaq bolǵanyn aıtty. Kómekke birinshi bolyp “Býran-143” patrúldik ekıpajy bardy. Er adam úı syrtyndaǵy kondısıoner kompresoryna otyryp alǵan jáne tómenge sekiremin dep qorqytqan. Onyń ústine qolynda pyshaq bolǵan.
«Onyń qolynda úlken as úı pyshaǵy boldy. Pyshaqty tamaq tusyna taqap alǵan. Polısıa qyzmetkerleri jarady, qoryqpady. Kúıeýim olardy da pyshaqpen jaralaýy múmkin edi. Polısıa qyzmetkerlerine kóp raqmet», – dedi qala turǵyny.
Áıeldiń aıtýynsha, kúıeýi mas kúıinde ashýǵa býlyǵyp, janjal shyǵarǵan. Sodan keıin ol óz-ózine qol jumsamaq boldy. Bostandyq aýdandyq polısıa basqarmasynyń qyzmetkerleri óz-ózine qol jumsaý áreketiniń mán-jaıyn anyqtap jatyr.