Kóp qabatty turǵyn úıdiń páterleriniń birinen ıntım salony anyqtaldy.
Polisia.kz málimeti boıynsha, reıdtik is-shara barysynda jezókshelikpen aınalysý úshin úı-jaı berý deregi anyqtaldy, dep habarlaıdy Almaty-akshamy.kz.
«Mekeme "Mamyr" shaǵynaýdanyndaǵy turǵyn úıdiń páterleriniń birinde ornalasqan. Tekserý kezinde salonda toǵyz qyz “jumys istep” júrgen. Ǵımaratty jalǵa alýshy jaýapkershilikke tartylady. Ustalǵan qyzdar jeke basyn anyqtaý úshin PB-ǵa jetkizildi. Olar - 18 ben 26 jas aralyǵynda, Qazaqstannyń ár óńirinen kelgender. Sonymen qatar olardyń kóshi-qon zańnamasyn saqtaýy tekseriletin bolady», – dedi Áýezov aýdandyq polısıa basqarmasynyń bastyǵy Ulan Ábilqaıyr.